මුන ගැසුනු කාලය වැරදිය..

ගැයූ ගීතය මිහිරිය ...

ගැයූ තාලය වැරදිය..

ලියූ පද පෙල සොදුරුය..

ලියූ පේලිය වැරදිය ..

පිපුනු කුසුමත් සුවදය..

පිපී ඇති බිම වැරදිය ..

මුන ගැසුනු නුඹ සොදුරුය...

මුන ගැසුනු කාලය වැරදිය ...

මරතොන්ඩි රටාවන්

මරතොන්ඩි රටාවන
 ලස්සනට හැඩකරන..
මැකීයයි ඉක්මනින්
නූඹේ අතැගෙහි රැදුන...
මරතොන්ඩි රටාවන්
නොවී කාලෙන් මියෙන..
සුමුදු අතැගිළි වෙයන්
මගේ ගෙල පිරි මදින..

අහිමිවූ හාදුව

කලුලෑල්ලෙ සුදුහුණු කැට
ගුරැ අතැගිලි හැඩ මවද්දි
හැඩ බැලුවා මගේ හිතත්
නුඹ දැකුමෙන් වහ වැටිච්චි..

කලුලෑල්ලෙ සමීකරණ
විසදන හැටි කියාදෙද්දි
මතකයි පිලිතුරු සෙව්වා
මගේ හිතේ පැන නැගිච්චි..

සතිය පුරා බන්කු පේලි
එකින් එකට මාරු වෙදිදි
හිටියා මම මගේ තැනම
අග පේලිය කොනට වෙච්චි..

ලගට ඇවිත් දුරට ගියා
නුඹ පේලිය මාරු වෙද්දි
මම හිටියේ එකම තැනයි
නුඹව හොදට ඇහැ ගැටිච්චි..
කාලය ටික ටික වේගෙන්
දිනෙන් දිනේ ගෙවිල යද්දි
නුබේ පුටුව තනිවූවා
මගේ හිතට දුක දැනෙද්දි..

•